معلومات عن الحلوق للأبواب ، والشبابيك

– حلق الأبواب يتكون من ثلاث قطع ( 2 قائم ، وراس ) .

– حلق الباب للبلكونة ، وحلق الشباك يتكون من 4 قطع ( 2 قايم  وراس  وجلسة ) .

– منسوب راس الحلق لكل من الأبواب ، والشبابيك 2.2م من منسوب التشطيب .

– جلسة الشبابيك تكون 1م من منسوب التشطيب .

– جلسة شبابيك الحمام ، والمطبخ تكون 1.4م من منسوب التشطيب .

– لابد من وضع عتب بسمك 10 سم أعلي الأبواب ، والشبابيك لزوم التثبيت .

– عرض حلق الباب 14.5 سم ، وسمك 5سم ( 2 بوصة ) .

– الأبواب تفتح داخل الحيز سواء كان باب شقة أو غرفة أوحمام … وألخ .

– ضلفة الباب بتكون أعلي منسوب التشطيب بحوالي2 سم .

• تركيب حلق الباب ، والشباك

1- يتم نقل شرب التشطيب علي جانبي فتحة الأبواب للتأكد من تساوي منسوب راس الحلوق

2- الجانب الملاصق للحلق من الطوب يتم دهانة بمادة البيتومين قبل تركيبة تجناً لنقل الرطوبة من الطوب لحلق الباب .

3- يتم تركيب 3 كانات في جانبي الحلق ، ويتم تقسيطها بالتساوي على إرتفاع الحلق ، ويجب أن تكون الكانات من الحديد المجلفن ، ويتم تثبيتها بمسامير في الحوائط بحيث لاتظهر بعد اللياسة .

أنواع الحلوق

١- الحلق الزفر :

 ده حلق مش متفرز ( يعني مفيهوش الحتة اللي الباب بيبات فيها و الحلق ده بيتعمل لكل الشبابيك اللي هتركب الوميتال و سعات بيتعمل للأبواب و ده بيكون خشب موسكي في اغلب الاحوال

اهم حاجة لما تعمله للابواب و الشبابيك تكون عمل حسابه من الاول في العرض بتاعك تكون مزوّد ٥ سم

الحلق ده بيكون (٢.٥ * ١٥) و بيركب في الحيطة بكانة (حديدة بتثبت في الطوب بإسمنتو في الحلق ) و الهدف من الحلق ده انه يوزن الفتحة بتاعت الباب او الشباك علشان مقاساتها تكون مظبوطة و بيتعمل. موزون مع البؤج اللي عملها مبيض المحارة

الحلق ده بعديه بتشتري باب كامل بحلقه و بيركب بخوابير و فوم علي الحلق الزفر

ميزة الحلق ده انك لما بتيجي تركب الباب الحلق مبيكونش اتبهدل من المحارة و الدهان في الخطوات اللي بعد كده

٢- الحلوق المفرزة :

و ديه بتوفر الحلق التاني لما بتيجي تشتري باب بتشتري الضلفة بس و ده بيركب زي الحلق الزفر بكانة برده في معظم الاوقات الحلق ده لما بنركبه بندهن الباب لاكيه علشان نداري اي اثار حصلت من طرطشة اسمنت او دهان و ممكن النجار يصنفر و يشتغل استر بس هتحتاج استرجي نضيف

• أستلام أعمال حلوق النجارة للباب ، والشباك

 مراجعة دهان الحلق بالسلاقون ، ودهان الجزء الملامس للحائط بالبيتومين .

 ضرورة تثبيت الحلق على شرب لتحديد منسوب الراس ، وعدم الإكتفاء بالعتب ، والجلسة فقط .

 مراجعة أماكن ، وعدد الكانات فى الحلق .

 التأكد من تثبيت الكانات بالحلق بواسطة مسامير البرمة ( القلاوظ ) .

 فى حالة حلوق الأبواب مراجعة ، وجود زيادة فى طول قائم الحلق (ضفر) لا يقل عن 5سم .

 مراجعة رأسية قائم الحلق بواسطة ميزان الخيط من الداخل والخارج .

 التأكد من أن واجهة الحلق فى مستوى البؤج ، والأوتار أو سطح البياض .

 قياس عرض الحلق ، والتأكد من مساواته فى أعلى ، ومنتصف وأسفل الحلق .

 التأكد من التحبيش على الكانات بمونة الأسمنت ، والرمل ، وعدم أستخدام الجبس .

 مراجعة أفقية الراس للأبواب ، والراس العلوى ، والسفلي للشبابيك بميزان المياه .

 مراجعة أية عيوب بالحلوق نتجت من التثبيت ( كسر أو شرخ )